Cruthaíonn Gaillimh naisc nua turasóireachta, gnó agus pobail sna Stáit Aontaith

Céad, 21 Lún 2024 11:10:00 BST

 

An Comhairleoir Albert Dolan, Cathaoirleach Chontae na Gaillimhe, sa phictiúr ag Halla na Cathrach Milwaukee ag bronnadh ar Cavalier Johnson, Méara Chathair Milwaukee. Grianghraf Chomhairle Chontae na Gaillimhe.

Dé Luain, 19 Lúnasa 2024

 

Cruthaíonn Gaillimh naisc nua turasóireachta, gnó agus pobail sna Stáit Aontaithe

 

Tá toscaireacht ó Ghaillimh ar a bhfuil ionadaithe rialtais áitiúil, an saol acadúil, gnó agus na healaíona tar éis cuairt bholscaireachta a mhair seachtain a thabhairt ar Mheán-Iarthar SAM.

 

Bhuail toscairí ó Chomhairle Chontae na Gaillimhe, ó Chomhairle Cathrach na Gaillimhe, ó ATU Chathair na Gaillimhe, ó Ollscoil na Gaillimhe, ó Celtic Irish American Academy agus ó Chumann Tráchtála na Gaillimhe le ceannairí rialtais, turasóireachta, cultúir agus gnó ar fud Illinois agus Wisconsin.

 

Áiríodh leis an gcuairt sraith cruinnithe in Chicago, comhchathair Chathair na Gaillimhe, agus in Washington County, agus comhpháirtí nasctha Chomhairle Chontae na Gaillimhe, chomh maith le taispeántas turasóireachta ag Milwaukee Irish Fest in Wisconsin.

 

Dúirt an Comhairleoir Albert Dolan, Cathaoirleach Chontae na Gaillimhe, “Chuir an chuairt seo deiseanna ar fáil chun bualadh le gníomhaireachtaí éagsúla chun rudaí a fhoghlaim, a mhalartú, a fhorbairt agus naisc a dhoimhniú ar raon leathan réimsí ó sheirbhísí rialtais áitiúil go turasóireacht agus ó thráchtáil go pobal. Thug caidreamh cuimsitheach leis na páirtithe leasmhara éagsúla deis don toscaireacht iniúchadh a dhéanamh ar chomhoibrithe amach anseo chun deiseanna a thabhairt go Gaillimh amach anseo.”

 

I rith na seachtaine seo caite, bhuail an toscaireacht le heagraíochtaí gnó agus pobail, lena n-áirítear Fiontraíocht Éireann, Cumann Tráchtála Chicagoland, 167 Green Street/Fulton Market, Chicago Sister Cities International, World Business Chicago, MATTER Chicago agus After School Matters.

 

D’óstáil Ollscoil na Gaillimhe imeacht alumni in Ionad Oidhreachta Meiriceánach na hÉireann in Chicago, agus tháinig alumni atá lonnaithe in Illinois le chéile chun líonrú agus machnamh a dhéanamh ar a gcuid ama i gCathair na Gaillimhe agus san Ollscoil.

 

Thaistil toscairí ó Chomhairle Chontae na Gaillimhe go West Bend, suíomh riaracháin Washington County, áit a ndearnadh comóradh 21 bliain ar an socrú nasctha trasatlantach. D’fhreastail an toscaireacht ar chruinniú den Bhord Contae freisin, faoi chathaoirleacht an Chathaoirligh Jeff Schlief, an Phríomhfheidhmeannaigh agus maoirseoirí an Bhoird Chontae.

 

“Thug cruinniú le hoifigigh i gContae Washington léargas uathúil dár toscaireacht ar an gcaoi a gcuirtear na seirbhísí poiblí ríthábhachtacha ar fáil go háitiúil,” a mhínigh an Comhairleoir Albert Dolan.

 

“D’fhéach ár dtoscaireacht ar thionscadal Tithíochta na Chéad Ghlúin Eile, tionscnamh nuálach agus uathúil tithíochta a sholáthraíonn tithíocht inacmhainne inar bhain rannpháirtithe leas as an bhfóirdheontas agus inar aontaigh siad páirt a ghlacadh i ngníomhaíochtaí deonacha pobail chun an fóirdheontas comhionann ar chostas an tí a aisíoc,” a dúirt an Cathaoirleach. “Thug Príomhoifigeach Forbartha Pobail Washington County, Jamie Ludovic, cur i láthair ar Inbhuanaitheacht Páirceanna freisin, ag taispeáint samhail fhéinmhaoinithe a théann chun sochair an phobail ar fad agus iad ar thóir caitheamh aimsire lasmuigh.”

 

Buaicphointe de thuras na toscaireachta ba ea an freastal ar Milwaukee Irish Fest ar chladach Loch Michigan ag Páirc Fhéile Henry W. Maier. Tá Gaillimh ag déanamh freastal bliantúil ar an gceiliúradh is mó ar domhan ar cheol agus ar chultúr na hÉireann/Ceilteach le 25 bliain anuas, ag cur earnáil turasóireachta an chontae chun cinn i níos mó ná 100,000 lucht féile.

 

Dar le Liam Conneally, Príomhfheidhmeannach Chomhairle Chontae na Gaillimhe, “Ba phríomhchuspóir lenár láithreacht ag Milwaukee Irish Fest aird a tharraingt ar an méid a bhfuil le tairiscint ag Gaillimh do chuairteoirí agus feasacht a mhéadú ar na 6 sheirbhís thrasatlantacha atá ag feidhmiú idir Aerfort na Sionainne agus aerfoirt idirnáisiúnta Chicago O’Hare, JFK, Boston Logan agus Newark i measc Meiriceánaigh. Níl a fhios ag go leor cuairteoirí ó SAM go hÉirinn go bhfuil teacht díreach ar Iarthar na hÉireann, áit ar mian le go leor acu dul ar saoire. Bhuail an grúpa le tionscnóirí turas éagsúla freisin, a d’aontaigh eolas turasóireachta a bhaineann le Gaillimh a scaipeadh ar a ngníomhairí ar fud Mheiriceá Thuaidh."