Tobhach maidir le Málaí Plaisteacha

• Naisc ábhartha eile
• Bailiú Dramhaíl Tí
• Dó sa Chlós Cúil agus Tinte Cnámh
• Bailitheoirí Dramhaíola Bréagacha
• Bainc Athchúrsála
• Feithiclí ag Deireadh a Saoil
• Dramhaíl Phlaistigh Feirme
• Dramhaíl Bia
• Cairt na hÉireann um Chur Amú Bia
• Dramhaíl Ghuaiseach a Aistriú
• Tobhach maidir le Málaí Plaisteacha
• Fóntas Poiblí
• Rialú Bailitheoirí agus Áiseanna Dramhaíola
• CEALLRAÍ DRAMHAÍOLA
• Na Fodhlíthe um Bainistiú Dramhaíola, 2019
• Cosc Dramhaíl
• DIÚSCAIRT DRAMHTHREALAMH LEICTREACH
• Réigiún Dramhaíola Chonnacht Uladh
• Plean Bainistíochta Dramhaíola Réigiúnach 2015-21
• Múiríniú
• Athchúrsáil
• Repairmystuff.ie
• Troscáin Agus Diúscairt Dramhaíola Téagartha
• Treoir do gharáistí cliste

Tugadh an tobhach maidir le málaí plaisteacha isteach den chéad uair ar an 4 Márta 2002.  15 cent an mála an ráta an uair sin agus ba é príomhchuspóir a bhí leis laghdú ar líon na málaí plaisteacha a bhíodh á n-ídiú trí athrú a imirt ar iompar an tomhaltóra.  Déantar gach tobhach a íoc isteach sa Chiste Comhshaoil.

Bhí tionchar ar an bpointe ar nósmhaireacht an tomhaltóra agus tháinig laghdú ar líon na málaí a d’úsáidtí ó 328 mála measta in aghaidh an duine go dtí 21 mála in aghaidh an duine ar an toirt.

Tugadh an tobhach 22 cent atá i bhfeidhm faoi láthair isteach an 1 Iúil 2007. Ardaíodh an tobhach ó bhí ardú tagtha ar líon na málaí in aghaidh an duine go dtí 31 faoi dheireadh na bliana 2006.  Is é cuspóir atá leis an ráta ardaithe líon na málaí a úsáidtear in aghaidh an duine a ísliú go dtí 21 nó níos ísle. 

AN BHFUIL AN TOBHACH LE hÍOC MAIDIR LE GACH MÁLA PLAISTEACH?

Níl.  Seo a leanas na málaí plaisteacha nach ngearrtar tobhach ina leith:

• Málaí beaga ina gcuirtear feoil, iasc nó éineoil úr, FIÚ SA CHÁS GO BHFUIL ÁBHAR PACÁISTÍOCHTA CHEANA ORTHU.
• Málaí beaga ina gcuirtear torthaí, cnónna, milseáin, glasraí, bia cócaráilte te nó fuar, AR CHOINNÍOLL NACH BHFUIL PACÁISTÍOCHT CHEANA AR NA HEARRAÍ SIN.
• Málaí a thugtar amach in ionaid siopadóireachta Saor ó Dhleacht.
• Málaí athúsáide a dhíoltar ar 70 cent nó níos mó.

TREOIR DO MHIONDÍOLTÓIRÍ

CÉA ÍOCANN AN TOBHACH?

Ní mór don chustaiméir a iarrann mála plaisteach siopadóireachta an tobhach a íoc.  Is féidir an tobhach a sheachaint trí mhálaí athúsáide a úsáid.

CAD A THARLAÍONN DON AIRGEAD A BHAILÍTEAR?

Cuirtear an t-airgead a bhailítear isteach sa Chiste Comhshaoil agus baintear leas as maidir le tionscadail a bhaineann le cúrsaí bruscair, bainistiú dramhaíola agus cúrsaí comhshaoil.

CAD IS GÁDO MHUINTIR AN PHOBAIL A DHÉANAMH?

Ionas go mbíonn dea-thoradh ar an Tobhach seo, ní mór do dhaoine den phobal:

• Laghdú ar líon na  málaí plaisteacha a úsáidtear
• Aon chás ina ndéantar málaí plaisteacha a dháileadh saor ó tháille a chur in iúl do:

An Brainse Comhshaoil, Comhairle Chontae na Gaillimhe  Teil. 091-509510 nó environment@galwaycoco.ie

Déantar foráil faoi na Rialacháin um Bainistiú Dramhaíola (Tobhach Comhshaoil) (Málaí Plaisteacha), 2001 do thobhach comhshaoil a ghearradh ar mhálaí plaisteacha agus do shocruithe maidir leis an tobhach a bhailiú chomh maith leis na tráthanna a n-íoctar an tobhach a leagan síos.

Déantar foráil faoi na Rialacháin um Bainistiú Dramhaíola (Tobhach Comhshaoil) (Málaí Plaisteacha) (Leasú) (Uimh. 2) 2007 d’ardú ar mhéid an tobhaigh maidir le málaí plaisteacha ó 15 cent go dtí 22 cent an mála le héifeacht ón 1 Iúil 2007.