icon_servSeirbhísí

CEALLRAÍ DRAMHAÍOLA

CEALLRAÍ DRAMHAÍOLA

CEALLRAÍ DRAMHAÍOLA

Níor chóir do dhaoine ceallraí dramhaíola a chur in araidí líonta talún nó athchúrsála.  Ní mór ceallraí dramhaíola a bhailiú agus a athchúrsáil Saor in Aisce trí iad a thaisceadh ag asraonta miondíola nó saoráidí athchúrsála údaráis áitiúil.

Rialacháin na gComhphobal Eorpach (Ceallraí agus Taisc-Cheallraí) 2014

Tá na Rialacháin seo ceaptha chun athchúrsáil ceallraí dramhaíola a chur chun cinn. Éascófar leis na rialacháin go háirithe baint amach spriocanna maidir le ceallraí dramhaíola a bhailiú, a chóireáil, a athchúrsáil agus a dhiúscairt ar bhealach atá neamhdhíobhálach don chomhshaol arna bhunú ag Treoir 2006/66/CE ó Pharlaimint na hEorpa agus ón gComhairle maidir le ceallraí agus ceallraí dramhaíola agus lena n-aisghairtear Treoir 91/157/CEE.

Forchuireann na Rialacháin sin oibleagáidí ar dhaoine a sholáthraíonn ceallraí do mhargadh na hÉireann, cibé acu ar mhiondíoltóirí, allmhaireoirí nó déantúsóirí iad.  Tá díolúine ó na hoibleagáidí sin ar fáil do dhaoine a ghlacann páirt i scéim chun ceallraí dramhaíola a bhailiú, a chóireáil, a athchúrsáil agus a dhiúscairt ar bhealach atá neamhdhíobhálach don chomhshaol arna bhunú ag comhlacht ceadaithe.

Ón 26 Meán Fómhair 2008, beidh úsáideoirí deiridh ceallraí dramhaíola i dteideal iad a thabhairt ar ais saor in aisce chuig asraonta miondíola a dhíolann ceallraí comhionanna nó chuig ionaid bhailithe cheadaithe eile, lena n-áirítear ionaid athchúrsála údaráis áitiúil. Níl gá le ceannach chun ceallraí dramhaíola a thabhairt ar ais. Ní mór do mhiondíoltóir a dhíolann ceallraí glacadh le ceallraí dramhaíola ó mhuintir an phobail ag an áitreabh. Ní mór do gach siopa a dhíolann ceallraí coimeádáin a bheith acu chun ceallraí a thógáil ar ais chomh maith le comharthaíocht a chuireann sin in iúl don phobal ag na pointí díolacháin. Ní gá do dhaoine ceallraí a cheannach chun na ceallraí dramhaíola a thabhairt chuig siopa. 

CEALLRAÍ

Sainmhínítear ceallra (nó taisc-cheallraí) sna rialacháin um Cheallraí agus Thaisc-cheallraí mar fhoinse fuinnimh leictrigh arna ghiniúint trí fhuinneamh ceimiceach a thiontú go díreach agus atá comhdhéanta de cheall ceallraí príomhúla (neamh-inluchtaithe) amháin nó níos mó nó comhdhéanta de cheall ceallraí tánaisteacha (in-luchtaithe).

Tá 3 chineál ceallraí clúdaithe faoi na Rialacháin seo:

  • Ceallraí iniompartha (lena n-áirítear na cinn atá le fáil i spuaicphacaí a úsáidtear i bhfearais tí, bréagáin, fóin phóca, cianrialtáin, cnapchealla a úsáidtear i gceamaraí, uaireadóirí srl.)
  • Ceallraí tionscail (lena n-áirítear na cinn a úsáidtear i bhforcardaitheoirí, trucailí pailléide leictreacha, feithiclí leictreacha agus bugaithe gailf) agus
  • Ceallraí uathghluaisneacha (ceallra adhainte/dúisire i gcarranna, veaineanna, trucailí agus báid). 

Caithfidh duine nó eagraíocht ar bith a dhéanann, a tháirgeann, a allmhairíonn agus/nó a dhíolann ceallraí in Éirinn oibleagáidí áirithe mar atá leagtha amach sna rialacháin a chomhlíonadh. Is féidir tuilleadh eolais maidir le hoibleagáidí táirgeoirí agus miondíoltóirí/dáilitheoirí a fháil trí na naisc ábhartha chuí thíos a leanúint.  Ceanglaítear ar tháirgeoirí a roghnaíonn na Rialacháin Cheallraí a chomhlíonadh iad féin tuarascálacha bliantúla agus pleananna gach trí bliana a chur chuig an EPA.

ALLMHAIREOIRÍ AGUS/NÓ MONARÓIRÍ

Tá oibleagáidí ar eagraíochtaí a sholáthraíonn ceallraí ar mhargadh na hÉireann don chéad uair cibé acu ar allmhaireoirí nó déantúsóirí iad faoi Rialacháin na gComhphobal Eorpach (Ceallraí agus Taisc-Cheallraí) 2014. Áirítear air sin soláthar ceallraí atá corpraithe i dtrealamh, feithiclí agus/nó táirgí.

 

MIONDÍOLTÓIRÍ

 An bhfuil na nithe seo a leanas á soláthar agat?

o Ceallraí iniompartha (AA, AAA, Cill D, Cill C, 9V agus/nó ceallraí cnapchille le haghaidh úsáid teaghlaigh);

o Bréagáin (le ceallraí san áireamh);

o Earraí leictreacha mar shampla: teilifíseáin, tóirsí, uirlisí cumhachta, ceamaraí, bronntanais nuachta nó earraí beaga leictreacha tí eile a mbíonn ceallraí iontu;  

Má tá, tá oibleagáid ort faoi na Rialacháin a bhaineann le ceallraí. 

Tuilleadh eolais 

ÚSÁIDEOIRÍ DEIRIDH CEALLRAÍ

Ní mór ceallraí dramhaíola a bhailiú ar leithligh le haghaidh athchúrsála agus aisghabhála acmhainní agus is é an táirgeoir atá freagrach as sin a eagrú agus a mhaoiniú.  Níor chóir iad a dhiúscairt mar ghnáthdhramhaíl nó i sruthanna dramhaíola measctha agus caitear 'aisghabháil' saor in aisce a chur ar fáil do gach úsáideoir deiridh.  Baineann sé sin le húsáideoirí deiridh teaghlaigh agus neamh-theaghlaigh.  Tá córas aisghabhála saor in aisce ceallraí dramhaíola ón sruth dramhaíola teaghlaigh le fáil go forleathan sna hasraonta miondíola agus sna láithreáin chonláiste cathartha.

Féadfaidh úsáideoirí deiridh a gcuid ceallraí dramhaíola a dhiúscairt mar seo a leanas:

  • Iad a thabhairt ar ais chuig aon mhiondíoltóir a dhíolann ceallraí comhionanna m.sh. ní gá do mhiondíoltóirí ceallraí carranna glacadh le ceallraí iniompartha mura ndíolann siad iad.   Ní gá duit ceallraí nua a cheannach d'fhonn ceallraí dramhaíola a thabhairt ar ais do do mhiondíoltóir áitiúil. 
  • Is féidir ceallraí dramhaíola iniompartha a thabhairt go dtí d'ionad fóntas poiblí saor in aisce chomh maith.

Cuimhnigh:

Níor chóir ceallraí dramhaíola a chur i do bhosca bruscair teaghlaigh riamh!

Bí ag faire amach do bhosca athchúrsála ceallraí i do shiopa áitiúil. Is seirbhís saor in aisce é.

Déan teagmháil le Comhairle Chontae na Gaillimhe ag 091-509510 nó environment@galwaycoco.ie chuntuilleadh eolas a fháil.

 

Ní ceart a mheas gur míniú iomlán nó dlíthiúil é an t-eolas thuas ar bhrí nó éifeacht European Union (Batteries and Accumulators) Regulations 2014.  Is ar gach táirgeoir atá an dualgas na Rialacháin a thuiscint, a seasamh a chinneadh agus comhlíonadh go hiomlán. Is cion é gan na Rialacháin a chomhlíonadh agus d'fhéadfaí tú a ionchúiseamh.

Comhairle Chontae na Gaillimhe
Facebook

Faigh muid ar
Facebook

Twitter

Lean muid ar
Twitter

Gaeilge

Gaeilge
agus Fáilte

Cóipcheart © Comhairle Chontae na Gaillimhe