Rannpháirtíocht an Phobail

• Naisc ábhartha eile
• Dámhachtain an Bhrait Ghoirm agus an Chósta Ghlais
• Tránna Eile
• Rannpháirtíocht an Phobail
• Liosta De Tránna I gContae Na Gaillimhe

Faoi dhlí na hEorpa agus na hÉireann, ceanglaítear ar Chomhairlí Contae láithreacha snámha oifigiúla a ainmniú gach bliain ionas gur féidir monatóireacht a dhéanamh orthu maidir le sábháilteacht, cáilíocht an uisce agus leibhéal úsáide.  Tá dualgas ar an gcomhairle cur síos nó próifíl mionsonraithe a ullmhú i leith gach ceann de na láithreacha snámha ainmnithe a dhéanann cur síos ní amháin ar an láthair snámha ach ar láithreacha sa dobharcheantar uiscí dromchla a d'fhéadfadh a bheith ina fhoinse truaillithe chomh maith.   Áirítear ar na próifílí measúnú ar an mbaol truaillithe agus an beart a dhéanfar sa chás ina dtarlaíonn truailliú.

Chun cabhrú leis an bpróiseas sin, iarrann Comhairle Chontae na Gaillimhe ar dhaoine a bhíonn ag snámh ar thránna, i lochanna agus in aibhneacha a insint dúinn má cheapann siad gur chóir dúinn aon láthair nua a úsáidtear go minic le haghaidh snámha a ainmniú.

Má bhíonn tú ag snámh go minic agus má theastaíonn uait cabhrú le Comhairle Chontae na Gaillimhe cinneadh a dhéanamh maidir le cén láthair ar chóir a ainmniú , d'fhéadfadh sé a bheith ina chabhair duit machnamh a dhéanamh ar an méid seo a leanas:

• An tslí a bhfuil úsáid á bhaint as an láthair snámha go dtí seo;
• Líon na ndaoine a bhaineann úsáid as an suíomh;
• Na saoráidí atá ag an suíomh sin cheana agus an bhfuil sé inrochtana;
• Aon saincheist sábháilteachta.

Más mian leat an trá/abhainn is fearr leat a mholadh mar shuíomh nua uisce snámha nó do thuairim a thabhairt maidir le suíomh atá ann cheana déan teagmháil leis an Rannóg Timpeallachta  ag (091) 509510 nó ag environment@galwaycoco.ie.  Féach thíos liosta de na láithreacha snámha ainmnithe atá ann faoi láthair.