icon_servSeirbhísí

Plean Ceantar Aitiúil Bhaile Locha Riach

Plean Ceantar Aitiúil Bhaile Locha Riach

DRÉACHT-TREOIR MAIDIR LE hALT 31

DEN ACHT UM PLEANÁIL AGUS FORBAIRT 2000 (arna leasú)

Tá Tuarascáil an Phríomhfheidhmeannaigh ar fáil anois : 

Dréacht-Treoir- PCA Bhaile Locha Riach 24-30

 

Plean Cheantar Áitiúil Bhaile Locha Riach 2024-2030

Ba iad Comhaltaí Tofa Cheantar Bardasach Bhaile Locha Riach a cheap Plean Cheantar Áitiúil Bhaile Locha Riach 2024-2030 go foirmiúil ar an 15 Iúil 2024.

Mar a éilítear faoi Ailt 31AO(5) den Acht um Pleanáil agus Forbairt, 2000 (arna leasú) d'eisigh an tÚdarás Pleanála fógra chuig Oifig an Rialtóir Pleanála (OPR) maidir le glacadh an Phlean.  Chuir an Príomhfheidhmeannach an OPR ar an eolas freisin faoi chinneadh an Údaráis gan cloí le moltaí áirithe a rinneadh i dtuarascáil ábhartha an OPR, mar aon leis na cúiseanna a bhí le cinneadh an Údaráis.

Ar an 19 lá d’Fheabhra 2024 d’eisigh an tAire Stáit do Rialtas Áitiúil agus Pleanála ‘Fógra go bhfuil sé ar intinn Treoir a Eisiúint’ chuig an Údarás Pleanála faoi Alt 31 den Acht um Pleanáil agus Forbairt, 2000 (arna leasú) (‘an tAcht’). Baineann an Dréacht-Treoir le criosú fearann talún amhain ar an mbaile. Moltar do pháirtithe leasmhara nach mbeidh éifeacht ag na hábhair seo, de réir Alt 31(6) den Acht, d'ainneoin iad a bheith san áireamh sa Phlean arna ghlacadh ag an gComhairle agus atá ag feitheamh ar eisiúint Threoir Dheiridh an Aire.

 

Tá na nithe seo a leanas leagtha amach sa Dréacht-threoir:

  1. (i) Na cuspóirí criosaithe seo a leanas agus an téacs gaolmhar a athbhunú i gcomhréir le moladh Thuarascáil an Phríomhfheidhmeannaigh ar na hathruithe ábhartha, agus an tAthrú Ábhartha seo a leanas a scrios ón bPlean Limistéir Áitiúil ar glacadh leis:

 

  • Athrú Ábhartha MA35 ón bPlean Limistéir Áitiúil ar glacadh leis - .i. na tailte ábhartha a athrú ó thailte criosaithe mar Áiseanna Pobail go tailte nach bhfuil criosaithe.

RÁITEAS AR FHÁTHANNA

  1. Tá athrú ábhartha sa Dréachtphlean Ceantair Áitiúil chun talamh a chriosú mar Shaoráidí Pobail atá suite ar an taobh thall de phríomhbhóthar náisiúnta an N65 gan aon rochtain reatha nó pleanáilte do shiúil, rothaíocht ná d’iompar poiblí ó Bhaile Locha Riach, rud nach bhfuil ag teacht le cuspóirí an Straitéis Spásúil agus Eacnamaíoch Réigiúnach (RSES) agus le Plean Forbartha an Contae maidir le fás inbhuanaithe a thugann tosaíocht do nascacht trí bhealaí sábháilte, slána siúil agus rothaíochta agus iompair phoiblí (RPO 6.30 den Straitéis Réigiúnach Spásúil agus Cuspóirí Beartais an Phlean Forbartha Contae PM 4 agus PM 6), agus tacaíonn sé le soláthar bonneagair do choisithe agus do rothaithe ar thurais áitiúla níos giorra (Cuspóirí Beartais  Phlean Forbartha an Chontae GCTPS 4 agus WC 4).
  2. Áirítear sa Phlean Ceantair Áitiúil athrú ábhartha ar thalamh criosaithe mar Áiseanna Pobail tadhlach le príomhbhóthar náisiúnta an N65 atá ar neamhréir le RPO 6.5 den Straitéis Spásúil agus Eacnamaíoch Réigiúnach (RSES) agus Cuspóir Beartais NR 1 den Phlean Forbartha Contae chun an acmhainn straitéiseach agus sábháilteachta bóithre náisiúnta agus acomhail ghaolmhara a chosaint, agus a theipeann ar ailt 2.4 agus 2.7 de na Treoirlínte um Pleanáil Spáis agus Bóithre Náisiúnta d'Údaráis Phleanála (2012).
  3. Níor ceapadh an Plean Limistéir Áitiúil ar bhealach atá comhsheasmhach le moltaí Oifig an Rialtóra Pleanála faoi alt 31 AO den Acht agus níor cuireadh na moltaí i bhfeidhm.

 

  1. Measann an tAire nach bhfuil an Plean Limistéir Áitiúil faoi mar a rinneadh é ag teacht le cuspóirí Phlean Forbartha an cheantair, ar riachtanas é d'alt 19(2) den Acht.
  2. Measann an tAire go bhfuil an Plean Ceantair Áitiúil mar atá ceaptha ar neamhréir leis na cuspóirí i Straitéis Spásúil agus Eacnamaíoch Réigiúnach, contrártha d'alt 19(2) agus d'alt 27(1) den Acht.
  3. Measann an tAire nach bhfuil an Plean Limistéir Áitiúil mar a rinneadh é ag teacht le Cuspóir Beartais Náisiúnta 27 den Chreat Náisiúnta Pleanála.
  4. Measann an tAire nach leagtar amach sa Phlean Limistéir Áitiúil, mar a rinneadh é, straitéis fhoriomlán do phleanáil chuí agus d'fhorbairt inbhuanaithe an cheantair.
  5. Ní chomhlíonann an Plean Limistéir Áitiúil ceanglais an Achta.

 

 

Dréacht-Treoir - Comhairliúchán Poiblí Foirmiúil:

De réir ceanglais Alt 31(7) an Achta, cuirfidh an tÚdarás Pleanála tús le tréimhse chomhairliúcháin phoiblí ar Fhógra an Aire a bhfuil sé ar intinn aige Treoir a Eisiúint’ ar feadh tréimhse 2 sheachtain idir an 29 Lúnasa 2024 agus an 12 Meán Fómhair 2024 agus na dátaí sin san áireamh, féadfar cóip de Dhréacht-Treoir ón Aire a iniúchadh sna láithreacha seo a leanas:

  • Ar an suíomh seo - féach ar na naisc faoi ábhair ar thaobh na láimhe deise den leathanach seo.
  • Ag oifigí na Comhairle seo a leanas le linn gnáthuaireanta oifige (9am-4pm, Luan go hAoine):
    • Oifigí pleanála Chomhairle Chontae na Gaillimhe, Áras an Chontae, Cnoc na Radharc,Gaillimh,H91H6KX

Aighneachtaí nó Tuairimí i scríbhinn maidir leis an Dréacht-Treoir:

Féadfar aighneacht nó tuairimí i scríbhinn, maidir leis an Dréacht-Treoir, a dhéanamh (trí mheán amháin) chuig an gComhairle idir an 29/08/2024 agus an 12/09/2024 mar seo a leanas:

  • Ar líne trí Thairseach Comhairliúcháin Phoiblí na Comhairle: http://consult.galway.ie/; nó
  • Trí ríomhphost chuig forwardplanning@galwaycoco.ie nó
  • I scríbhinn agus é a mharcáil “Dréacht-Treoir do phlean Limistéir Áitiúil Bhaile Locha Riach 2024-2030”, An Rannóg Pleanála Chun Cinn, An Roinn Pleanála, Comhairle Chontae na Gaillimhe, Áras an Chontae, Cnoc na Radharc, Gaillimh, H91H6KX.

Ní mór ainm iomlán agus seoladh an duine/na ndaoine atá ag déanamh na haighneachta a bheith san áireamh i dtuairimí nó aighneachtaí agus, nuair is cuí, an comhlacht nó an eagraíocht a bhfuil ionadaíocht á déanamh aige/aici/acu uirthi. Ní ghlacfar le tuairimí/aighneachtaí déanacha.

 

 

Tuarascáil an Phríomhfheidhmeannaigh

 

Tar éis don tréimhse chomhairliúcháin phoiblí 2 sheachtain dul in éag agus tráth nach déanaí ná 4 seachtaine ina dhiaidh sin, ní mór Tuarascáil an Phríomhfheidhmeannaigh a ullmhú faoi na haighneachtaí/tuairimí a gheofar le linn na tréimhse sin. Ní mór an Tuarascáil sin a chur ar fáil ansin d’Oifig an Rialtóra Pleanála, do na Comhaltaí Tofa agus don Aire Rialtais Áitiúil agus Pleanála.

Tabhair faoi deara go ndéanfar tuairimí nó aighneachtaí a fhoilsiú ar shuíomh Gréasáin na Comhairle agus in oifigí Chomhairle Chontae na Gaillimhe agus go mbeidh siad mar chuid de Thuarascáil reachtúil an Phríomhfheidhmeannaigh a fhoilseofar ina dhiaidh sin ar shuíomh Gréasáin Chomhairle Chontae na Gaillimhe. Féadfar na sonraí lena n-áirítear ainmneacha na ndaoine atá ag déanamh aighneachta a roinnt le Ranna ábhartha na Comhairle agus an Rialtais nó lena ngníomhairí a bhfuil baint acu leis an bpróiseas agus féadfaidh siad a bheith mar chuid de thuarascálacha a bhaineann le haon Treoir a eisiúint.

Tá Comhairle Chontae na Gaillimhe faoi réir fhorálacha an Achta um Chosaint Sonraí (arna leasú) agus an Rialacháin Ghinearálta um Chosaint Sonraí (RGCS). Chun cabhrú linn na ceanglais um Chosaint Sonraí agus RGCS a chomhlíonadh, cuir d’ainm agus do shonraí teagmhála (agus nuair is cuí, sonraí aon eagraíochta, grúpa pobail nó cuideachta srl. a ndéanann tú ionadaíocht ar a son), ar bhileog ar leith le d’ábhar d’aighneachta/do thuairime. Tá an phróiseáil seo a dhéantar ar do shonraí pearsanta dleathach faoi Airteagal 6(1)(e) de rialacháin RGCS. Tá Beartas um Chosaint Sonraí na Comhairle ar fáil ar shuíomh Gréasáin na Comhairle.

Tabhair faoi deara de réir Alt 19 den Acht um Pleanáil agus Forbairt (Leasú), 2018, go bhfoilseofar gach aighneacht bhailí a fhaigheann an Chomhairle ar shuíomh Gréasáin Chomhairle Chontae na Gaillimhe laistigh de 10 lá oibre tar éis don Chomhairle iad a fháil. Is próiseas oscailte poiblí é an próiseas pleanála agus mar sin beidh d’aighneacht (go páirteach nó go hiomlán) ar fáil.

 

Arna shíniú ag Liam Hanrahan

Stiúrthóir Seirbhíse

Forbairt Gheilleagrach agus Pleanáil‌

Dréacht-Treorach - Plean Ceantair Áitiúil Bhaile Locha Riach 2024 –2030

Sonraí na Treorach

3. CT Ad 29.08.24

 

 

------------------------------------------------------------------------------------------------------------------------------------------------

26.08.24

Fógra go bhfuil Plean Ceantair Áitiúil Bhaile Locha Riach 2024 –2030 déanta.

i gcomhréir leis an méid seo a leanas:

An tAcht um Pleanáil agus Forbairt 2000, arna leasú
Na Rialacháin um Pleanáil agus Forbairt 2001, arna leasú
Na Rialacháin um Pleanáil agus Forbairt (Measúnacht Straitéiseach Timpeallachta) 2004, arna leasú

Faoi Réir Dréacht-Treorach ón Aire - Beidh Sonraí na Treorach seo faoi ábhar comhairliúchán poiblí ón 29 Lúnasa 2024 go dtí an 12 Meán Fómhair 2024

Tugtar fógra leis seo gur ghlac Comhaltaí Cheantar Bardasach Bhaile Locha Riach le Plean Ceantair Áitiúil Bhaile Locha Riach 2024 – 2030 ag a gcruinniú ar an 15 Iúil 2024 agus go bhfuil sé ag teacht i bhfeidhm ar an 26 Lúnasa 2024.

Is doiciméad reachtúil atá i bPlean Ceantair Áitiúil Bhaile Locha Riach 2024 – 2030 a d'ullmhaigh an tÚdarás Pleanála de réir cheanglais an Achta um Pleanáil agus Forbairt, 2000 (arna leasú) agus na Rialachán um Pleanáil agus Forbairt, 2001 (arna leasú).

Tá Plean Áitiúil Iompair ag gabháil le Plean Ceantair Áitiúil Bhaile Locha Riach 2024 – 2030. Áirítear sa phlean freisin Tuarascáil Comhshaoil um Measúnú Straitéiseach Timpeallachta (MST), a ullmhaíodh de réir na Rialachán (MST)  um Pleanáil agus Forbairt 2004 (arna leasú), Tuarascáil Tionchair Natura um Measúnú Cuí , de bhun Airteagal 6 den Treoir maidir le Gnáthóga 92/43/EEC. An Measúnú Straitéiseach Riosca i gCás Tuilte (SFRA) a ullmhaíodh de réir an Chórais Pleanála agus na Treoirlíne um Bainistíocht i gCás Tuilte 2009. Tá eolas sa Ráiteas Straitéiseach Comhshaoil (MST) a ghabhann leis an bPlean maidir leis an gcaoi a rinneadh breithniú comhshaoil a chomhtháthú sa Phlean.

 

Tá eolas sa Ráiteas Straitéiseach Comhshaoil (MST) a ghabhann leis an bPlean maidir leis an gcaoi a rinneadh breithniú comhshaoil a chomhtháthú sa Phlean.

 

Beidh cóipeanna de Phlean Ceantair Áitiúil Bhaile Locha Riach í 2024 – 2030 ar fáil le ceannach in am trátha ón Rannóg Pleanála, Comhairle Chontae na Gaillimhe, Áras an Chontae, Cnoc na Radharc, Gaillimh.

 

Sínithe: Liam Hanrahan

Stiúrthóir Seirbhísí

Forbairt & Pleanáil Eacnamaíochta

1. Plean Ceantair Áitiúil Bhaile Locha Riach 2024-2030‌‌‌

2. Plean Ceantair Áitiúil Bhaile Locha Riach 2024-2030 - I.A‌‌‌

3. Plean Áitiúil Iompair‌‌‌

4. Plean Áitiúil Iompair - Appendices‌‌‌

5. Measúnú Straitéiseach Comhshaoil (MSC) ER‌‌‌

6. Measúnú Straitéiseach Comhshaoil (MSC) ER - Appendix II NTS‌‌‌

7. Measúnú Straitéiseach Riosca i gCás Tuilte (SFRA)‌‌‌

8. Ráiteas MSC -‌‌

9. Ráiteas Conclúide AA‌‌‌

10. AA Natura Impact Report‌‌‌

11. Connacht Tribune ad - 22.08.24‌‌‌

 

Comhairle Chontae na Gaillimhe
Facebook

Faigh muid ar
Facebook

Twitter

Lean muid ar
Twitter

Gaeilge

Gaeilge
agus Fáilte

Cóipcheart © Comhairle Chontae na Gaillimhe