Stair Aitiúil Na Gaillimhe

Láithreáin Ghréasáin a Bhaineann le Ginealas

Réamhrá

Déileálann cuid mhór de na láithreáin ghréasáin sa liosta seo le blianta sonracha. Maidir leis na cinn nach ndéileálann le blianta sonracha, luaitear i dtosach iad. Maidir leis na cinn a dhéileálann le blianta sonracha, luaitear iad in ord croineolaíoch agus na blianta is luaithe á lua ag barr an liosta. Taispeántar na blianta i ndath dearg ar fud théacs an doiciméid.

Irish Roots

Is láithreán úsáideach é seo d’aon duine de bhunadh na Gaillimhe ar mian leo taighde a dhéanamh faoina gcraobh ghinealaigh. Clúdaíonn sé gach contae in Éirinn agus is seirbhís saor in aisce í.
Leabharlann Náisiúnta na hÉireann National Library of Ireland. Tá treoir ghinearálta maidir le taighde a dhéanamh faoi do chraobh ghinealaigh ar fáil ó Leabharlann Náisiúnta na hÉireann.
Leathanach an Irish Times maidir le Sinsir. Is uirlis chuardaigh é seo a threoraíonn an t-úsáideoir chuig ábhair atá ar fáil agus chuig an áit ina bhfuil teacht ar na hábhair sin. Den chuid is mó, cuirfear thú chuig acmhainní nach bhfuil ar fáil ar an idirlíon. Sna cásanna sin, déanfar na seoltaí geografacha ina bhfuil na hacmhainní sin suite a sholáthar. Leagann an láithreán béim ar an méid seo a leanas: ‘Iarrtar ort a bheith soiléir: tagairtí bibleagrafaíochta go formhór atá sna tagairtí a aimsítear le cuardach agus ní áirítear na taifid bhunaidh iontu – i bhfocail eile, is áiseanna mionsonraithe iad a chuidíonn le taighde a dhéanamh seachas an taighde é féin’). Láithreán síntiúis atá ann agus cosnaíonn sé $60 chun cuardaigh iomlána a dhéanamh.
Ireland Reaching Out Ireland Reaching Out. An clár náisiúnta ginealais aisiompaithe. Ag iarraidh 70 milliún duine de diaspóra na hÉireann a mhealladh ar ais chuig a n-áit dúchais in Éirinn.
Immigrant Ships Transcribers Guild. Is bunachar sonraí inchuardaithe é seo ina bhfuil taifead ar leathmhilliún paisinéirí a chuaigh go dtí na Stáit Aontaithe sa tréimhse ó na 1600-idí suas go dtí an bhliain 1929.

Cláir na mBreitheanna, na mBásanna agus na bPóstaí

Tá taifid eaglaise agus roinnt taifead sibhialta ar fáil ag http://rootsireland.ie. I measc na dtaifead eaglaise áirítear taifid bhaiste agus taifid phósta. Baineann an chuid is mó díobh leis an tréimhse siar go dtí blianta na 1840-idí. Tá taifid níos túisce ná sin ag roinnt paróistí. Tá taifid shibhialta, a théann siar go dtí an bhliain 1864, á gcur isteach sa láithreán faoi láthair. Ina measc sin, áirítear taifid a bhaineann le baisteadh, pósadh agus bás. Is láithreán síntiúis é seo.
Tá taifid eaglaise agus taifid shibhialta ar fáil ag http://www.familysearch.org freisin agus tá teacht ar an láithreán seo saor in aisce. Tá obair ar siúl fós sa láithreán seo agus níl na taifid ar fad san áireamh ann.
Agus is féidir leat fótachóipeanna de thaifid shibhialta (a théann siar go dtí a bhliain 1864) a fháil trí theagmháil a dhéanamh leis an bPríomh-Oifig Chlárúcháin ag http://www.groireland.ie
• Tá taifid teampaill de chuid na hEaglaise Caitlicí san áireamh i mbailiúchán Leabharlann Náisiúnta na hÉireann. Baineann siad sin leis an tréimhse roimh an mbliain 1880.
• Tugann an Phríomh-Oifig Chlárúcháin cuntas ar a bailiúchán clár sibhialta nó stáit civil or state registers ina gclúdaítear an tréimhse ón mbliain 1864 go dtí an lá atá inniu ann.
• Clúdaíonn Cláir Eaglais na hÉireann Church of Ireland registers an tréimhse ón mbliain 1750 go dtí an lá atá inniu ann.

Eolairí Trádála

Tá siad seo ar fáil ó 1751 go 1894. Liostaíonn siad úinéirí gnóthaí i lárionaid uirbeacha. Níl siad ar fáil ar an Idirlíon ach is féidir rochtain a fháil orthu ag Leabharlann Náisiúnta na hÉireann.
Cartlann Náisiúnta na hÉireann – Bunachar Sonraí na dTaifead a bhaineann le Díbirt
Is bunachar sonraí inchuardaithe é seo a bhaineann le coirpigh a díbríodh chun na hAstráile idir na blianta 1788 agus 1868 go huile.

Leabhair Chionroinnte Deachúna

Tiomsaíodh iad seo idir na blianta 1823 agus 1837. Liostaítear áititheoirí gabháltas talún i bparóistí tuaithe. Tá na Leabhair Chionroinnte Deachúna ar fáil ag http://www.genealogy.nationalarchives.ie freisin.
Comhad Sonraí maidir le Taifid Liostaí Paisinéirí an Ghorta Mhóir Is bunachar sonraí inchuardaithe é seo ina liostaítear 604,596 dhuine a chuaigh go dtí Stáit Aontaithe Mheiriceá idir mí na Nollag 1846 agus mí na Nollag 1851.

Luacháil Uí Ghríofa                                                                                                                          

Tiomsaíodh é seo idir na blianta 1848 agus 1864 agus liostaíonn sé na háititheoirí maoine uile a raibh cónaí orthu in Éirinn an tráth sin. Ba é an Luacháil Phríomha an chéad luacháil lánscála a rinneadh riamh ar mhaoin in Éirinn. Ba é Richard Griffith a rinne maoirseacht uirthi agus foilsíodh í idir na blianta 1847 agus 1864. Tá sé i measc na n-acmhainní ginealais is tábhachtaí de chuid an 19ú haois dá bhfuil ar marthain fós.

Taifid Oileán Ellis  

Liostaíonn sé seo gach duine a chuaigh trí Oileán Ellis idir na blianta 1892 agus 1924. Láithreán inchuardaithe atá ann. 

Daonáirimh 1901 agus 1911

Liostaíonn sé seo gach duine ar a raibh cónaí in Éirinn sna blianta sin. Tá daonáirimh 1901 agus 1911 ar fáil anseo here.
Commonwealth War Graves Commission's Debt of Honour List
Is bunachar sonraí inchuardaithe é seo ina bhfuil ainmneacha shaighdiúirí uile an Chomhlathais a fuair bás le linn an dá Chogadh Dhomhanda. Meastar gur maraíodh 35,000 Éireannach sa Chéad Chogadh Domhanda le linn dóibh a bheith ag fónamh in arm na Breataine. Tá faisnéis faoi Fhiúsailéirí Ríoga Bhaile Átha Cliath, lena n-áirítear uaigheanna cogaidh a aimsiú, le fáil anseo

Treoir Maidir le Stair & Taighde Teaghlaigh

Is é is aidhm don treoir seo ná cabhrú le staraithe teaghlaigh agus taighdeoirí amaitéaracha ginealais le linn dóibh taighde a dhéanamh.  Luaitear inti an príomhábhar foinse agus an t-ábhar tánaisteach foinse is úsáidí dóibh siúd atá ag cur tús le cuardach ar a sinsir. Leagtar béim inti ar aon ábhar atá ar fáil i Leabharlanna Contae na Gaillimhe agus i gCartlann Chomhairle Chontae na Gaillimhe, Teach an Oileáin, Gaillimh. Tá an treoir leagtha amach go formhór i bhfoirm liosta de na haicmí taifid in ord a bhfóinteachta. Ina dhiaidh sin, déantar aon fhoroinnt is gá a eagrú in ord croineolaíoch. Cliceáil anseo chun féachaint ar an Treoir maidir le Stair Teaghlaigh agus Taighde Ginealais.