Eolas faoi Chuimsiú Sóisialta

• Naisc ábhartha eile
• Eolas faoi Chuimsiú Sóisialta
• Contae Sláintiúil na Gaillimhe
• Lánpháirtíocht
• LGBTI+
• Aláram Deataigh
• Staitisticí náisiúnta agus staitisticí
• Seachtain um Chuimsiú Sóisialta
• Lucht Siúil
• Naisc Úsáideacha
• An Óige

Céard is Cuimsiú Sóisialta ann?

Is éard is Cuimsiú Sóisialta ann cinntiú go mbíonn an deis chéanna ag gach duine sa tsochaí dea-cháilíocht beatha a bheith acu.

Baineann sé leis seo a leanas:

• Caitheamh mar an gcéanna le gach duine beag beann ar a gcúlra
• Cinntiú go mbíonn cothroime rochtana ag daoine ar earraí agus ar sheirbhísí
• Bacainní a bhaint agus cúnamh a thabhairt dóibh siúd a mbíonn sé ag teastáil uathu níos mó, mar shampla, daoine scothaosta, daoine faoi mhíchumas, an lucht siúil, daoine dífhostaithe agus araile
• Acmhainní a chur ar fáil le haghaidh na ngnóthaí is práinní
• Dul i ngleic le leithcheal
• Dearcthaí agus modhanna oibre a athrú.

Céard is Eisiamh Sóisialta ann?

Seo a leanas roinnt samplaí nuair is féidir le daoine nó le pobail mothú nach bhfuil siad á gcur san áireamh:

• Gan a bheith páirteach i ndéanamh cinntí go háitiúil
• Gan deis a bheith acu a bheith páirteach
• Gan tuiscint a bheith acu, mar shampla, deacracht le léamh cáipéisí
• Gan rochtain a bheith acu – gan cumas fisiciúil a bheith acu dul isteach i seomra nó i bhfoirgneamh ar an gcaoi chéanna le gach duine eile
• Daoine ag caitheamh go difriúil leat de bharr aoise, cine, creidimh, rogha pholaitíochta, claonadh gnéis, stádas pósta (an tAcht um Stádas Comhionann agus an tAcht Fostaíochta, 2000).
• Bacainní a bheith ann a chuireann cosc ar pháirteachas
• Gan dóthain acmhainní a bheith acu a bheith páirteach.

Cé atá i mBaol gan a Bheith san Áireamh?

Is minic a dhéantar tagairt do dhaoine a eisiatar go sóisialta mar spriocghrúpaí. Seo a leanas roinnt samplaí de na grúpaí atá i mbaol na bochtaineachta agus eisiamh sóisialta:

• Teaghlaigh ina bhfuil tuismitheoir amháin
• Daoine scothaosta
• Páistí agus daoine óga
• Daoine faoi mhíchumas
• An lucht dífhostaithe nó an lucht tearcfhostaithe
• Daoine den lucht siúil
• Daoine gan dídean
• Daoine a bhfuil cónaí orthu i gceantair thuaithe nó i gceantair uirbeacha ar chúiseanna éagsúla
• An lucht leispiach, aerach, déghnéasach agus trasinscneach (LGBT)
• Spailpíní fánacha agus grúpaí mionlach eitneach
• Daoine nach bhfuil mórán oideachais orthu nó a bhfuil easpa scileanna fónta litearthachta acu
• Inscne, is é sin le rá go bhféadfadh fir agus mná bheith faoi eisiamh ar chúiseanna éagsúla.

Más spéis leat tuilleadh faisnéise a fháil faoi chuimsiú sóisialta, breathnaigh ar shuíomh gréasáin an Rannáin um Chuimsiú Sóisialta