Seachtain um Chuimsiú Sóisialta

Cad í an tSeachtain um Chuimsiú Sóisialta?
Is é is aidhm leis an tSeachtain um Chuimsiú Sóisialta feasacht agus tuiscint a ardú maidir le hionchuimsiú agus éagsúlacht i gContae na Gaillimhe.  Baineann sé le haird a tharraingt ar an obair dhearfach a thugann grúpaí pobail agus grúpaí deontais fúthu chun eisiamh sóisialta, aonrú sóisialta agus bochtaineacht a laghdú.  

Cad is féidir liom a dhéanamh?
Is é 'Ag Fanacht Ceangailte agus muid Ag Fanacht Amach óna Chéile' téama na bliana seo agus baineann sé le béim a leagan ar an mbealach a bhfuilimid ábalta fanacht ceangailte agus ábalta leanúint de bheith rannpháirteach i ngníomhaíochtaí pobail ag an tráth seo. Iarraimid ar ghrúpaí a insint dúinn mar atá sibh ag 'fanacht ceangailte' nó mar atá beartaithe agaibh 'fanacht ceangailte' in bhur bpobail i mbliana. D'fhéadfadh sibh tionscadail a bhaineann leis an gcruthaitheacht, le folláine fhisiciúil agus mheabhrach, agus le bheith ag fanacht ceangailte a chur san áireamh i bhur n-iarratas. Smaointe eile: Pacáistí gníomhaíochta, pacáistí cúraim, comórtais áitiúla, seirbhísí chun cairde a dhéanamh, imeachtaí ar líne.

Cén lá?
Beidh Seachtain um Ionchuimsiú Sóisialta 2020 Chomhairle Chontae na Gaillimhe ar siúl ón 19 Deireadh Fómhair go dtí an 25 Deireadh Fómhair. I mbliana d'fhéadfadh do thionscadal ionchuimsithe shóisialta a bheith ar siúl le linn mhí Dheireadh Fómhair agus mhí na Samhna.

Cé atá in ann iarratas a dhéanamh?
Fáilteofar roimh iarratais ó ghrúpaí pobail, ó ghrúpaí deontais agus ó eagraíochtaí neamhbhrabúsacha i gContae na Gaillimhe.  

Cé mhéid maoinithe atá ar fáil?
Beidh deontais bheaga suas go dtí €400 an tionscadal ar a mhéid ar fáil. Is féidir an deontas seo a úsáid chun costas na n-ábhar, an trealaimh nó na n-acmhainní atá de dhíth don tionscadal a chlúdach.

Le hIarratas a Dhéanamh
Comhlánaigh an fhoirm iarratais ina dtabharfar mionsonraí ar ghníomhaíocht.
Seol ar ríomhphost inclusion@galwaycoco.ie nó postáil é
An Rannóg Forbartha Eacnamaíochta, Tuaithe agus Pobail, Comhairle Chontae na Gaillimhe, Cnoc na Radharc, Gaillimh, H91 H6KX

Seo thíos an dáta deiridh a nglacfar le foirmeacha iarratais comhlánaithe 4:00 p.m. Dé hAoine an 2 Deireadh Fómhair 2020

Le haghaidh tuilleadh eolais
Teil: 091 509521 nó Ríomhphost: inclusion@galwaycoco.ie