Ráiteas faoi Rochtain ar an nGréasán

• Naisc ábhartha eile
• Sonraí Teagmhála Seirbhísí Custaiméara
• Seirbhís Custaiméara Foirmeacha & Íoslódálacha
• Cairt do Chustaiméirí
• Ár Nós Imeachta maidir le Gearáin agus Achomhairc
• Rochtaineacht
• Rochtaineacht in Áras an Chontae
• Ráiteas faoi Rochtain ar an nGréasán
• Stéibh 2016

Tá Comhairle Chontae na Gaillimhe tiomanta i leith faisnéis agus seirbhísí atá ar fáil do gach duine a sholáthar. Tá an láithreán deartha de réir na dTreoirlínte maidir le Rochtain ar Ábhar Gréasáin W3C WAI agus tá sé i gcomhréir leis an gcuid is mó de phointí tosaíochta 1 agus 2.

Formáidí malartacha

Déantar ábhar nua HTML a fhoilsítear ar an láithreán a fhoilsiú i bhformáid inrochtana. Déantar roinnt doiciméad a fhoilsiú in PDF, in Microsoft Word agus i bhformáidí eile. Má tá faisnéis uait i bhformáid eile, is ceart duit ár bhfoirm teagmhála ar líne a úsáid.

Gnéithe teicniúla an láithreáin seo

Úsáidimid stílbhileog chascáideach chun feabhas a chur ar chuma amhairc an láithreáin seo agus chun stíl “téacs amháin” a thairiscint mar chúnamh do dhaoine lagamhairc.

Is féidir leat méid an chló a mhéadú agus a laghdú trí úsáid a bhaint as na socruithe atá ar fáil i do bhrabhsálaí.

Is féidir cuid mhór de na leathanaigh atá ann sa láithreán seo a chur á léamh os ard trí chliceáil ar an deilbhín “Listen”/”Éist”.

Saincheisteanna a bhaineann leis an láithreán seo agus atá ar eolas

Maidir le roinnt leathanach de chuid an láithreáin seo, ní chomhlíonann siad go hiomlán gach seicphointe de chuid thosaíochtaí WAI 1 agus 2.

I gcás cuid de na doiciméid atá ann sa láithreán, níl siad ar fáil ach amháin i bhFormáid Doiciméid Iniompartha (PDF) agus/nó i bhformáid Microsoft Word. Ní chomhlíonann ceachtar de na formáidí sin an caighdeán riachtanach.

Is eagraíochtaí comhpháirtíochta a sholáthraíonn eilimintí áirithe de chuid an láithreáin seo agus d’fhéadfadh sé nach bhfuil rochtain iomlán ar fáil orthu. Táimid ag obair leis na heagraíochtaí sin chun feabhas a chur ar rochtain agus ar chaighdeáin teanga na seirbhísí a sholáthraíonn siad thar ár gceann.

Cé go bhfuil gach iarracht déanta chun láithreán inrochtana a chur ar fáil, admhaímid go mb’fhéidir nár éirigh linn ár n-oibleagáid a chomhlíonadh i ngach cás. Cuirimid fáilte roimh aiseolas faoi nithe den sórt sin agus soláthróimid cúnamh chun faisnéis a sholáthar i bhformáidí malartacha.

Rochtain ar an láithreán seo a choimeád ar bun

Tá Comhairle Chontae na Gaillimhe tiomanta i leith rochtain ar an láithreán seo a choimeád ar bun agus i leith faireachán a dhéanamh ar an rochtain sin. Déantar an láithreán a iniúchadh ag eatraimh rialta.

Mar chabhair maidir le láithreán gréasáin inrochtana a chur ar fáil, soláthraímid oiliúint agus foilsímid treoirlínte inmheánacha dár bhfoireann chun cabhrú leo ábhar gréasáin inrochtana a chruthú.

Clúdaíonn an oiliúint agus na treoirlínte saincheisteanna den sórt seo a leanas:

Ábhar gréasáin atá áisiúil d'úsáideoirí a chruthú

Téacs malartach fóinteach a scríobh

Táblaí inrochtana a chruthú

Frásaí faoi naisc inrochtana a chruthú

Foilseacháin a thástáil maidir le hinrochtaineacht

Cuir scéala chugainn má bhíonn aon fhadhbanna agat.