Feithiclí príobháideacha

• Naisc ábhartha eile
• Fómhais feithicil
• Feithiclí Díolmhaithe
• Feithiclí Earraí
• Feithiclí Eile
• Feithiclí príobháideacha
• Feithiclí Seirbhíse Poiblí
• Eolas faoi Feithicil Oiriúnaithe

Current Motor Tax rates can be found on www.motortax.ie

Chun cáin a íoc ar fheithicil nua, ní mór na nithe seo a leanas a sholáthar:

1. Foirm Iarratais RF100 a fhaigheann tú ó dhéileálaí mótarfheithiclí nó ó Lárionad NCT. Bí cinnte go gcomhlánaítear an fhoirm go hiomlán agus go dtugtar mionsonraí faoi chlárúchán agus árachas inti (ní gá duit na doiciméid chlárúcháin nó árachais a sholáthar in éineacht leis an bhfoirm). Más rud é nach bhfuil Foirm RF100 faighte agat ón Lárionad NCT, is ceart duit an admháil a fuair tú ón Lárionad NCT a thabhairt chuig an Oifig Mótarchánach agus Foirm RF100 bhán a chomhlánú ansin.
2. An táille chuí

Chun mótarcháin a athnuachan, ní mór na nithe seo a leanas a sholáthar:

1. Foirm Athnuachana – úsáid Foirm RF100A (Gaeilge) nó Foirm RF100B. Bí cinnte go gcomhlánaítear an fhoirm go hiomlán agus go dtugtar mionsonraí faoi chlúdach do pholasaí árachais inti (ní gá duit na doiciméid a bhaineann leis na nithe sin a sholáthar in éineacht leis an bhfoirm).
2. An táille chuí

Chun mótarcháin a athnuachan tar éis athrú ar na mionsonraí a bhaineann le d’fheithicil, ní mór duit na nithe seo a leanas a sholáthar:

1. Foirm faoi Athrú Mionsonraí RF111 (Gaeilge) agus í comhlánaithe go hiomlán agus mionsonraí faoi árachas agus athnuachan á dtabhairt inti
2. Doiciméid tacaíochta maidir leis an athrú ar na mionsonraí e.g. litir ó gharáiste á dhaingniú go ndearnadh athrú ar inneall nó ar aicme na feithicle, Ceadúnas Tacsaí, cruthúnas ar stádas díolmhaithe etc.
3. Deimhniú Clárúcháin na Feithicle
4. An táille chuí

Chun mótarcháin a athnuachan tar éis athrú a dhéanamh ar úinéireacht i gcás feithiclí a cláraíodh roimh an 1 Eanáir 1993, ní mór duit na nithe seo a leanas a sholáthar:

1. Foirm Athraithe Úinéireachta RF200 (Gaeilge) agus í comhlánaithe go hiomlán ag an díoltóir agus ag an gceannaitheoir
2. Foirm Athnuachana RF100A (Gaeilge) agus í comhlánaithe go hiomlán agus mionsonraí faoi árachas agus athnuachan á dtabhairt inti
3. An Leabhar Cláraithe
4. An Táille Chuí

Chun mótarcháin a athnuachan tar éis athrú a dhéanamh ar úinéireacht i gcás feithiclí a cláraíodh tar éis an 1 Eanáir 1993, ní mór duit na nithe seo a leanas a sholáthar:

1. Foirm Athnuachana RF100A (Gaeilge) agus í comhlánaithe go hiomlán agus mionsonraí faoi árachas agus íocaíochtaí athnuachana á dtabhairt inti
2. An táille chuí

NÓTA: Ós rud é nach féidir leat cáin a íoc ar fheithicil go dtí go bhfuil sí cláraithe faoi d’ainm, ní mór duit a chinntiú go ndéanann tú féin nó díoltóir na feithicle an Deimhniú Clárúcháin Feithicle a chur chuig an Roinn Iompair chun uasdátú a dhéanamh ar na mionsonraí úinéireachta sa chóras náisiúnta ríomhaire. Molann an Oifig Mótarchánach don díoltóir feithicle Deimhniú Clárúcháin na Feithicle a choinneáil agus a chur ar aghaidh mar go mbeidh sé chun a leasa féin nach mbeadh an fheithicil cláraithe faoina ainm - fad a bheidh, is é an díoltóir a bheidh freagrach as mótarcháin agus pionóis/cionta tráchta a bhaineann leis an bhfeithicil.

Seirbhísí Mótarchánach Saoráil Faisnéise