Cónaitheacht Áras Éanna

• Naisc ábhartha eile
• Oíche Chultúir
• Scéim Ealaíontóirí i Scoileanna
• An Scéim Tacaíochta d’Ealaíontóirí
• Scéim Ealaíontóirí i Scoileanna Gaeltachta
• Ceannairc Bheag Bídeach
• Cónaitheacht Áras Éanna

Glaoch Oscailte ar ealaíontóirí Chontae na Gaillimhe iarratas a dhéanamh ar chónaitheacht do mhí Lúnasa in Áras Éanna, Inis Oírr.

Tá áthas ar Áras Éanna agus Oifig Ealaíon Comhairle Chontae na Gaillimhe glaoch oscailte a fhógairt d’ealaíontóirí Chontae na Gaillimhe cur isteach ar chónaitheacht do mhí Lúnasa 2025.

Is é Áras Éanna an t-ionad ealaíon is faide siar san Eoraip, lonnaithe ar oileán beag Gaeltachta Inis Oírr, i gContae na Gaillimhe. Tacaíonn an t-ionad le healaíontóirí trína chlár Ealaíontóirí Cónaithe. Cuirimid an t-am agus an spás ar fáil d’ealaíontóirí a gcleachtas a fhorbairt agus saothar nua a thaispeáint i dtimpeallacht uathúil an oileáin seo, a bhfuil daonra faoi bhun 300 duine.

Is í Comhairle Chontae na Gaillimhe an phríomhghníomhaireacht a bhíonn i mbun forbartha ar na healaíona go háitiúil i gContae na Gaillimhe. Tá an Oifig Ealaíon tiomanta do thacú le healaíontóirí lena ngairm bheatha agus lena bhforbairt. Maoinímid deiseanna cónaitheachta mar seo ionas gur féidir le healaíontóirí am a chaitheamh le smaoineamh, le taighde a dhéanamh nó le saothar a dhéanamh.

Cé atá in ann iarratas a dhéanamh? Tá an chónaitheacht oscailte d’ealaíontóirí gairmiúla ina gcónaí i gContae na Gaillimhe ag gach céim dá ngairm bheatha atá ag cleachtadh, in aon fhoirm/sheánra ealaíne. (Ní féidir le healaíontóirí atá ina gcónaí i gCathair na Gaillimhe iarratas a dhéanamh)

Cad atá san áireamh sa chónaitheacht? Lóistín, bád farantóireachta fillte, spás stiúideo, áiseanna amharclainne agus gailearaithe agus táille ealaíontóra €2,000.

Cathain a bheidh an chónaitheacht? Dé Domhnaigh 03 – Dé Sathairn 30 Lúnasa 2025.

Conas a dhéanaim iarratas?
Chun d’iarratas a chur isteach cuir ríomhphost chuig eolas@aras-eanna.ie leis na nithe seo a leanas:
• Do C.V.
• Breac-chuntas ar a bhfuil beartaithe agat oibriú air agus tú ar do chónaitheacht
• Samplaí oibre (Jpeg/nascanna/MP3’s srl.) agus aon cháipéisíocht tacaíochta ábhartha eile

Spriocdháta: 5i.n. Déardaoin 08 Bealtaine 2025.