CLÁR

• Naisc ábhartha eile
• CLÁR
• Ciste Aitheanta Pobail
• Scéimeanna Tacaíochta Pobail
• An Clár Feabhsúcháin Áitiúil 2024
• An Beart um Fheabhsú Sráid-dreacha
• An Scéim Athnuachana Baile agus Sráidbhaile
• Scéim Bhonneagair Áineasa Faoin Aer (SBÁFA/ORIS)

CLÁR 2024

Tá clár ar fiú €8.7 milliún é faoi CLÁR 2024 seolta ag an Aire Forbartha Tuaithe agus Pobail, Heather Humphreys TD.  Tá CLÁR dírithe ar mhaoiniú do thionscadail bhonneagair i gceantair thuaithe a bhfuil bánú daonra iontu.  Ní mór go mbeadh tionscadail lonnaithe i limistéar CLÁR agus go mbeadh tograí bunaithe ar thosaíochtaí a aithnítear go háitiúil.

Is maoiniú spriocdhírithe é CLÁR le haghaidh tionscadail bonneagair bheaga i gceantair thuaithe ina bhfuil dídhaonrú. Ní mór do na tionscadail a bheith i gceantar Clár agus ní mór go mbunaítear moltaí ar thosaíochtaí a aithnítear go háitiúil.  Is €50,000 an uasdheontas ag 90% den chostas incháilithe.

Déanfar CLÁR 2024 a sheachadadh trí 3 Bheart ar leith mar seo a leanas:

• Beart 1: Áiseanna agus Saoráidí Pobail a Fhorbairt
• Beart 2: Soghluaisteacht, Cúraim Ailse, Iompar Céadfhreagróirí Pobail agus Iompar Béilí ar Rothaí
• Beart 3: ‘Ar nOileáin’

Tacóidh Beart 1 le héagsúlacht tionscadal caipitil ar choinníoll go gcuideoidh siad le feabhas a chur ar Shaoráidí Áineasa Pobail atá ann cheana féin agus/nó forbairt a dhéanamh ar Shaoráidí Áineasa Pobail nua inrochtana.  Tugann an liosta thíos tuiscint dúinn ar na cineálacha idirghabhálacha a bhféadfar tacú leo, ach ní liosta uileghabhálach é:

• Oibreacha athchóirithe ar mhionscála ar áiseanna pobail atá oscailte don phobal mar ionaid phobail/ionaid spóirt/clubthithe grúpaí spóirt/ionaid óige/seideanna fear
• Ceantair Cluichíochta Ilúsáide (CCIÚnna)/Saoráidí Astroturf lena n-áirítear uasghrádú
• Páirceanna Clárscátála/Clóis Súgartha/Pumpraonta/Raonta Rothar
• Raonta Siúil/Reatha/Lúthchleasa
• Cúirteanna Liathróid Láimhe/Cúirteanna Leadóige/Cúirteanna Cispheile/Páirceanna Chruicéid
• Giomnáisiamaí Pobail/Pictiúrlanna Pobail
• Gairdíní na gCéadfaí/Gairdíní Pobail/Cuibhrinn Pobail
• Rochtain ar shuíomhanna Oidhreachta uathúla/limistéar áilleachta nádúrtha
• Ceantair Babhlála Lasmuigh /Áiseanna leithris lasmuigh/Carrchlós
• Rochtain ag tailte spóirt a fheabhsú e.g. forbairt/uasghrádú seastáin lucht féachana ag tailte spóirt áitiúla le fócas ar leith ar rochtain a fheabhsú do dhaoine de gach cumas agus aois
• Boscaí bruscair gréine
• Plandáil bithéagsúlachta

Ní mór foirmeacha comhlánaithe do Bheart 1 a sheoladh ar ais chuig Comhairle Chontae na Gaillimhe faoi 5:00 pm, Dé hAoine 31ú Bealtaine 2024 trí https://galwaycoco.submit.com.  Beidh an suíomh idirlín ar fáil chun glacadh le hiarratais ó sheachtain an Luan, 29 Aibreán.

Tabhair faoi deara: Ní mór iarratais do Bhearta 2 agus 3 a dhéanamh go díreach chuig an Roinn Forbartha Tuaithe agus Pobail. Féach gov.ie - Maoiniú-CLÁR le haghaidh Tionscadail Thuaithe ar Scála Beag (www.gov.ie) le haghaidh tuilleadh eolais.

Ní mór go mbeadh aon saoráid a mhaoinítear ar fáil do bhaill den phobal gan riachtanas a bheith ina mball de chlub, cláraithe i scoil etc. Ní mór go mbeadh saoráidí ar thailte scoile go háirithe oscailte don phobal lasmuigh d'uaireanta scoile e.g., um thráthnóna, ag an deireadh seachtaine, agus laethanta saoire scoile.

Tá seimineár gréasáin maidir le CLÁR á phleanáil i gcomhar le Líonra Rannpháirtíochta Phoiblí Chontae na Gaillimhe, (PPN) agus an dáta le dearbhú.